عوام کی موجیں لگ گئیں! حکومت کا حکومت کا عوام کو مفت سولر سسٹمز دینے کا فیصلہ
پشاور: خیبر پختونخوا حکومت نے ضم شدہ اضلاع کے عوام کو مفت یا آسان اقساط پر سولر سسٹمز فراہم کرنے کا فیصلہ کر لیا ہے۔ اس منصوبے کے تحت 120,000 مستحق گھروں کو 2 کلو واٹ کے سولر سسٹمز دیے جائیں گے، جن میں انورٹرز اور دیگر ضروری آلات شامل ہوں گے۔
ذرائع کے مطابق ہر سولر سسٹم کی لاگت 2 لاکھ 55 ہزار سے 3 لاکھ روپے کے درمیان متوقع ہے، جبکہ اس منصوبے کی مجموعی لاگت 13 ارب روپے ہوگی، جو حکومت برداشت کرے گی۔
یہ سولر منصوبہ باجوڑ، خیبر، کرم، اورکزئی، مہمند، شمالی وزیرستان اور جنوبی وزیرستان میں نافذ کیا جائے گا۔ منصوبہ بینک آف خیبر کے مالیاتی ماڈل کے تحت مکمل کیا جائے گا۔
حکام کے مطابق سولر سسٹم کی لاگت کے لیے دو آپشن رکھے گئے ہیں۔ قابلِ واپسی صورت میں صارفین 36 ماہ تک تقریباً 8,300 روپے ماہانہ اقساط ادا کریں گے، جبکہ ناقابلِ واپسی صورت میں مستحق صارفین سے کوئی رقم وصول نہیں کی جائے گی۔
Comments
Post a Comment