رات گئے بڑی خبر:حکومت کا بڑا فیصلہ، پیٹرول و ڈیزل گاڑیوں پر مکمل پابندی
لاہور(نیوز ڈیسک) پنجاب حکومت نے سرکاری محکموں میں ماحول دوست ٹرانسپورٹ کے فروغ کے لئے اہم فیصلہ کرتے ہوئے پٹرول اور ڈیزل گاڑیوں کی خریداری پر مکمل پابندی عائد کردی ہے۔
وزیراعلیٰ پنجاب مریم نوازشریف نے اس اقدام کی باضابطہ منظوری دے دی ہے، حکومت کے مطابق آئندہ صرف الیکٹرک یا ہائبرڈ گاڑیاں خریدی جا سکیں گی جبکہ فیلڈ ڈیوٹی پرمامورگاڑیاں اس پابندی سے مستثنیٰ ہوں گی۔نئی الیکٹرک وہیکل پالیسی 2026 بھی جلد متعارف کرائی جائے گی، جس کا مقصد صوبے میں گرین انرجی اور ماحولیاتی تحفظ کو فروغ دینا ہے۔اسی دوران پنجاب حکومت نے 31 شہروں میں 170 نئے پٹرول پمپس کے این او سی بھی جاری کردیئے ہیں، تاہم نئے پٹرول پمپس کی منظوری اب الیکٹرک چارجنگ یونٹ کی تنصیب کے بغیرنہیں ہوگی۔
فیصل آباد میں 29، لاہور 14، بہاولپور 10، خانیوال اور بہاولنگر میں 9، راولپنڈی اور جھنگ میں 8 جبکہ ٹوبہ ٹیک سنگھ، میانوالی، قصوراور چنیوٹ میں 7 نئے پٹرول پمپس کوالیکٹرک چارجنگ یونٹ کے ساتھ فعال کرنے کی شرط پر منظوری دی گئی ہے۔ ترجمان پنجاب حکومت نے کہا کہ ماحول کی حفاظت اور گرین انرجی کے فروغ کو ترجیح دی جا رہی ہے اور یہ اقدامات صوبے میں پائیدار ٹرانسپورٹ نظام کے قیام کی جانب اہم قدم ہیں۔
Comments
Post a Comment