9 مئی حملہ کیس، عمران خان اور پی ٹی آئی مشکل میں، عدالت نے فیصلہ سنا دیا...
لاہور: انسدادِ دہشت گردی کی عدالت لاہور نے خدیجہ شاہ سمیت چار ملزمان کو مفرور قرار دے دیا ہے۔
9 مئی کے واقعات سے متعلق عسکری ٹاور حملہ کیس میں پیشی سے مسلسل غیرحاضری پر اے ٹی سی لاہور نے خدیجہ شاہ سمیت چار ملزمان کے دائمی وارنٹِ گرفتاری جاری کر دیے تھے۔
کیس کی سماعت انسدادِ دہشت گردی عدالت کے ایڈمن جج منظر علی گل نے کوٹ لکھپت جیل میں کی۔
دورانِ سماعت سرکاری وکیل نے مؤقف اختیار کیا کہ عسکری ٹاور حملہ کیس کے ملزمان ٹرائل کے لیے عدالت میں پیش نہیں ہو رہے۔ سرکاری وکیل کے مطابق خدیجہ شاہ 9 مئی کے مقدمے میں سزا سنائے جانے کے بعد روپوش ہو چکی ہیں، لہٰذا عدالت سے ملزمان کو مفرور قرار دینے کی درخواست کی گئی۔
عدالت نے دلائل سننے کے بعد خدیجہ شاہ، حمزہ سہیل، عثمان اسلم اور احمد مرسلین کو مفرور قرار دیتے ہوئے ان کے دائمی وارنٹِ گرفتاری جاری کر دیے۔
علاوہ ازیں انسدادِ دہشت گردی عدالت لاہور نے ملزم زین الحسن کے ناقابلِ ضمانت وارنٹِ گرفتاری بھی جاری کر دیے۔
Comments
Post a Comment